Марьина Галина Николаевна, Глазовский район, деревня Кожиль

Марьина Галина Николаевна, Глазовский район, деревня Кожиль

Принимает участие в конкурсе среди самодеятельных поэтов "Чеброс".

Тема: Семья

«Анае - узырлыке»

Анаймы – нылпи шудэз утисьмы

Вань лулзэ, сюлэмзэ со сётэ.

Улыны дышетэ нылпизэ,

Уг жаля ас дырзэ но кужымзэ.

Анаймы – нылпи шудэз утисьмы

Анаймы – номырин воштонтэм мусомы.

Котьку ӟечезлы оскытӥськод, паймытӥськод,

Секыт дыре сюлэмез небӟытӥськод.

Анаймы – котьку утча ваньмон дырзэ

Анаймы – тон уд жаляськы дырдэ, кужымдэ.

Ӟеч ужед беретскоз, шумпотон но шуд ваёз,

Дыр ортчыса но, выльысь улонэд мед улӟоз.

Анаймы – шундымы кадь тон пиштӥськод,

Куддыр тыныд мӧзмыт ке но серекъяськод.

Анаймы – тон шунды выллем шунтӥськод,

Улоно коркам нылпиосылы шуд сӥзиськод.



«Атаелэн крезьгурез»

Атаелэн арганэн шудэмез

Пель сьӧрам кылӥське.

Со шудэ, сюлэмез вырӟытэ

Воршудмес утьыны со куре.

Ӵем дыръя удмурт калыке

Ӝок сьӧрын пумита кӧтӝожзэ,

Крезьгурен, кырӟанэн со вера

Азьлантэ аслэсьтыз улонзэ.

Ӝӧк сьӧрын бускель калыке

Атае мытылӥз крезьгурзэ.

Арганэн шудылӥз кырӟаса

Куараен вайылӥз шудбурзэ.

Арган куара кыдёке чузъяське,

Калыке уйшорозь шулдыръяське.

Та пинал сюлэм кылзиське,

Йылол выжымес тодамы вайытэ.